مواقف محرجة من الأطفال
- وحده تقول : زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت له: إذا خلصوا الرجال بنتعشى.. رحت أصلح لهم الشاهي .. راح ولدي دخل على الضيوف وقال لهم: ( لا تخلصون العشاء لأنا بنتعشى أنا وأمي بعدكم ) !!! شوفوا وجه أبوه وقتها...!!!.
***
- وحده تقول : بنتها دايم تحرجها بنقل الكلام قدام الناس - هذا عيب اللي يحش بالناس - تقول : مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جت تجلس عندي بالساعات في بيتي وتحب الكلام الكثير ومره دق الباب وطلعت جارتي قلت لها : تفضلي وجتها بنتي الصغيرة وقالت بصوت عالي: يمه هذي جارتنا اللي دمها ثقيل واللي إنتي ما تحبينها !!! طيب ليش تدخلينها البيت ..!!! تقول الأم: صار وجهي مية لون ..!!!! ويوم سمعت جارتي هذا الكلام زعلت وطلعت من البيت.
***
- وتقول أخرى : هذا موقف حصل لي ومع أقاربي: كنا نصلي المغرب جماعه في إحدى الاستراحات وكان أمامنا طفلين , الأول يقول للثاني : أنا اسم أمي فاطمة , ايش اسم أمك انتا ؟؟؟؟ يرد عليه الولد الثاني وهو اصغر منه بكثير: اسم أمي ماما !!! وهاتك ضحك وحنا نصلي استغـفـر الله ما قدرنا نمسك الضحكة !!!.
++++
تقول أحد الأمهات : جانا ضيوف وجابوا معهم هديه للمولود الجديد فكان ابني يريد فتحها فقلت له ( اصبر حتى يذهبوا ) صار يدخل ويطلع ولما مل الولد من الانتظار دخل وقال بصوت مرتفع...( خلاص أبفتحها شكلهم بينامون عندنا!! ).
***
- واحدة ثانية تقول : ذهبنا في زيارة لعمات زوجي ، وحده منهم كبيرة في السن قلت لولدي حب رأسها فرفض وقال ريحة رأسها شينه !! - يقصد الحناء - شوفوا الإحراج اللي صار لي ..!!.
***
- وتقول أخرى : جتني وحده من صديقاتي وكانت ملامحها تشبه دول شرق أسيا فجلست بنتي تطالعها بقوه ، ولما قلت لها عيب ردت وقالت شكلها شغالة.
***
- وهذه من جد يبغالها بالشنطه على رأسها : أخذت من أختي شنطه ورحنا لحفله ومعنا بنت أختي ولما وصلنا وخلعت عبايتي حتى شافت بنت أختي الشنطه وقامت تسحبها بقوة وهي تقول ( حقت ماما هاتيها ) !!! وأنا أحاول أسكتها والبنت إلا تبي شنطة أمها .
موضوع: مواقف محرجة من الاطفال...؟؟؟ 
الإثنين سبتمبر 22, 2008 9:44 pm
